புற்று நோய்அண்டாது!

 ☘புற்று நோய்அண்டாது!

இயற்கை வாழ்வியல் நிபுணர் நா.நாச்சாள்:

அரிசி என்றவுடன், நன்கு பட்டை தீட்டப்பட்ட வெள்ளை வெளேரென்று இருக்கும், சன்ன ரக புழுங்கல் அரிசியும், பச்சரிசியும் தான் நமக்கு தெரியும். ஆனால், அரிசியை அதன் நிறம், அளவு, நீள அகலம், தன்மை, சுவை, மணம், சத்துக்கள் என, பல வகைகளாக பிரிக்கலாம்.நெல்லில் இருந்து கிடைக்கும் அரிசி, பொதுவாக, பழுப்பு வெள்ளை, பழுப்பு, சிவப்பு மற்றும் கறுப்பு என, நான்கு நிறங்களில் இருக்கும்.

வெள்ளை அரிசியைக் காட்டிலும் பழுப்பு அரிசியிலும், அதைக் காட்டிலும் சிவப்பு நிற அரிசியிலும், அதை விட, கறுப்பு நிற அரிசியிலும் சத்துக்கள் அதிகம். அதிலும் கறுப்பு அரிசி, 'ஆன்டி ஆக்சிடென்ட்' அதிகம் கொண்டது.மேலும், குட்டை, நடுத்தர, நீள அரிசி என்று உயரத்தை வைத்தும், சன்ன, குண்டு, மோட்டா என, அகலத்தை வைத்தும் பிரிக்கலாம்.
பாலிஷ் செய்யப்பட்ட வெள்ளை நிற அரிசியில் மட்டுமின்றி, சிறிதாக சன்னமாக இருக்கும்

அரிசியிலும், குளோக்கோஸ் அதிகமாக உள்ளதால், சர்க்கரை வியாதி உள்ளவர்கள் இவற்றைச் சாப்பிடாமல் இருப்பதே நல்லது.
சற்று மோட்டாவாக நீளமாக இருக்கும் அரிசியில், இது குறைவாக உள்ளதுடன், இந்த அரிசியை சமைத்து உண்ணும்போது, பற்களால் கடித்து நன்கு மென்றே உண்ண முடியும்.
இதனால், நம் வாயில் உமிழ்நீருடன் உருவாகும் பல செரிமான திரவங்கள், நம் உணவுடன் எளிதாக கலந்து, ஜீரணத்தைச் சீராக்குகிறது. அஜீரணம், அல்சர், வயிறு எரிச்சல், புளித்த ஏப்பம் கொண்டவர்களுக்கு மாமருந்தாக அமைகிறது.

தவிடுடன் கூடிய நம் தமிழகத்தின், மோட்டா ரக சிவப்பு அல்லது கறுப்பு புழுங்கல் அரிசியை உட்கொள்ள, புற்று நோய் அண்டாது.
'அந்தோசியனின்' கொண்ட இந்த அரிசி, உடலில் இருக்கும் தேவையற்ற கொழுப்புக் கட்டிகளை அகற்றுவதுடன், சிறுநீரகம், கல்லீரல், இதயத்தை பாதுகாக்கக் கூடியது.
உடலில் ஏற்பட்டிருக்கும் பழுது, பாதிப்புகளை நீக்குவதுடன், நாள்பட்ட வியாதி
களையும் போக்கும்.
இயற்கையாகவே, அரிசியில், 8 சதவீத புரதமும், 5.5 சதவீத இரும்பு சத்தும், 4.9 சதவீத நார் சத்தும், பெரும்பாலான உணவுகளில் இல்லாத போலிக் அமிலம் உட்பட, பல வைட்டமின் சத்துக்களும், சுண்ணாம்பு, பாஸ்பரஸ் போன்ற சத்துக்களும் நிறைந்துள்ளன.
☘