நோய்கள் 4448 வகைகள் சித்தர் பாடலாய்
சூரணம் நான்கும் அகத்தே நாடி
வாரண முகத்தோன் வளர்பாதம் போற்றி
நோய்கள் நாலாயிரத்துடனே
ஏய்ந்த நானூற்று நாற்பத்தெட்டும்
நாதமுடன் அவற்றின் வகைதனைக் கூறக்கேள்
வாதமது எண்பத்தி நான்கு வகைசேர்
போதம் கெடு பித்தம் நாற்பத்தெட்டு
சிலேத்துமங்கள் தொண்ணூற்றாறு
உலவுதனுர் வாய்வு முன்னூறு சயம் ஏழு
பெருவயிறு எட்டதாகும் பெருசூலை இருநூறு
பெரிய பாண்டு பத்து நேத்திரநோய்
தொண்ணூற்றாகும் சிலந்தி அறுபதே
எண்ணும் குன்மம் எட்டு சன்னிவகை
எழுபத்தாறு கலை தொண்ணூற்றைந்து
எழும் சுரமது எண்பத்தைந்து
மகோதரம் ஏழு மண்டை வீக்கமைந்து
உடலதில் வீக்கம் உலவிடும் பதினாறு
பிளவை பத்து படுவன் பதினொன்று
குமுனி ஏழுக்கும் பீலி எட்டே
பீலியுடன் உறுவசியம் அஞ்சதாகும்
காறுகொள் கரப்பான் தொண்ணூறதாகும்
கெண்டை பத்து குட்டமது இருபது
மண்டு கதிர்வீச்சு மூன்று திட்டையஞ்சு
சோபம் பதினாறு சொல்லிசுவு ஆறு
பாபமாம் மூர்ச்சை பகர்ந்திடும் ஏழு
வேலிநோய் படுவதிலே விரவி நாற்பத்தாறு
மூலமொன்று கழல்நோய் பத்தே
பீனிசம் கடிவிடம் எழுபத்தாறு
சத்தான கண்ணுடை மாலை இருபதாம்
மெத்தா காதுமூக்கு நோய்வகை பத்து
சத்தாகு கிராணியது இருபத்தைந்து
கொத்தான அதிசாரம் அதுவும் அப்படியே
கொள்கட்டி பண்ணிரண்டு கிருமியாறு
முதிர்ந்த கல்படைப்பு எண்பதாகும்
அதிர்வாய்வு தொண்ணூறு திமிர்நோய் பத்து
முன்னாகும் முட்டுநோய் முப்பதினோடு
மஞ்சாகும் விப்புருதி பதினெட்டுக்கும்
பஞ்சாக்கி வளர்மேகம் இருபத்தோர் நீரோவைந்து
துஞ்சாகும் அரோசியங்கள் அஞ்சதாகும்
விடபாகம் பதினாறு விக்கல்பத்து
கடிதோசம் ஐந்நூறு குத்துவெட்டு எழுநூறு
முடுகிய கிரந்தி நாற்பத்தெட்டு
பொறிவிடம் எண்ணூறு பிற நீர்க்கோவை
முதிரவே இருநூறு துடிநோய் நூறு
அதிரும் பிள்ளை நோய் நூறதாகும்
முதிரறிவால் கூறினேன் நோய்கள் தானே.
