புங்கை அல்லது #புங்கன் . மருத்துவ குணங்கள்..

#புங்கை அல்லது #புங்கன்
.
மருத்துவ குணங்கள்..
.
படிக்காமல் கடந்துவிட்டுப் பின்னாளில் வருந்த நேரிடலாம்..
கைவச மருந்துகளை விட்டு மருத்துவமனைகளுக்கு ஓடலாமா?
.
   இலை,பூ,காய்,விதை,வேர்,
பட்டை வரை அனைத்துமே அருமருந்தாகப் பயனளிப்பது புங்கன் ஆகும்.புங்கை எண்ணெயும் மருந்தாகும்.
டீசலும் தயாரிக்கப் பயன்படும்.புங்கன் புண்ணாக்கு வரை அனைத்தும் இயற்கையின்  வரப்பிரசாதமே.
.
புங்கன் இலை:
காயம் பட்டவுடன் புங்கன் இலையை அரைத்துப் அவ்விடத்தில் பத்து போலப்  போட்டுக் கட்டிவிட்டால் காயம் உடனே ஆறத்தொடங்கும்.
ஆறியவுடன் காய்ந்த மருந்து தானே விழுந்துவிடும்.உணவு செரிக்காமை ( அஜீரணம்), வயிற்று உப்புசம்,
வயிற்றுப் போக்கு போன்றவற்றை புங்கன் இலைச்சாறு குணப்படுத்தும்.
.
புங்கன் இலைகள் நெல் வயல்களுக்கு இயற்கை உரமாகும்.
.
புங்கன் பூ:
நீரழிவுக்கு புங்கன் பூவை வதக்கி சிறிது நெய், சிறிது பேரிச்சையுடன் அரைத்து காலை மாலை இருவேளை நெல்லி அளவு உண்ணக் குணமாகும்.
புங்கன் பூவை வதக்கி அரைத்து குடிநீரில் கலந்தும் பருகி வருதல் சர்க்கரை நோயாளிகளுக்கு நல்லது.
.
புங்கன் விதை:
கக்குவான் இருமல், சுவாசக் கோளாறுகளுக்கு புங்கன் விதைச் சூரணம் அருமருந்தாகும்.
.
புங்கன் விதைகளிலிருந்து எண்ணெய் எடுக்கப்படுகிறது.புங்கன் விதைகள் டீசல் தயாரிக்கப் பயன்படுகிறது.
..
புங்கன் எண்ணெய்:
புங்கன் எண்ணெய்க்
களிம்பு சரும நோய்களுக்கும்,
ஆறாத புண்களுக்கும் மருந்தாகவும் பயன்படுகிறது.
நாட்டு மருந்துகள் தயாரிக்கப் பயன்படுகிறது.
.
புங்கன் பட்டை: 
இதன் கசாயம் மூலநோய்க்கு நல்ல மருந்து.
பட்டைகளிலிருந்து எடுக்கப்படும் மருந்து பாக்டீரியாக்களைக் கட்டுப்படுத்தும்.
.
புங்கன் பால்:
புண்ணை ஆற்றும் மருந்து.
இடையர்களுக்கு உடனடி மருந்து இது. சிறிது நீரில் கலந்து பருக வாயுக் கோளாறுகளைச் சரிப்படுத்தும்.
.
      தொழிற்சாலைக் கழிவான விஷ வாயு மீத்தைல் ஐசோ சயனைடை இது உறிஞ்சி கிரகித்துவிடும் சக்தியுள்ள மரம் எனவே தொழிற்சாலைகளைச் சுற்றியுள்ள பகுதிகளில் அதிகமாக நட்டு சுற்றுச்சூழல் பேணலாம்.
.
     தக்காளி போன்ற  பயிர்களைத் தாக்கும் நூற்புழுக்களை புங்கன் புண்ணாக்கு கட்டுப்படுத்தி அழிக்கவல்லது.
புங்கன் எண்ணெய் வேப்பெண்ணெய் போலவே பயிர்ப் பாதுகாப்புக்கு முக்கியமானது.
.
      டீசலுக்குப் பயன்படும் காட்டாமணக்கு நிலத்தை நாளடைவில் பாழ்படுத்தி விடும்.ஆனால் புங்கன் நிலத்தை செழிக்கச் செய்து டீசல் தரும் மரமாகும்.
புங்கன் விதைகளை வீண்டிப்பதைப் பல இடங்களில் பார்ப்பதற்கு வேதனையளிக்கிறது.பயன்பாடு தெரியாமல் உள்ளோம் என்பதே உண்மை.
.
         ஆடு மாடு மேய்ப்பவர்கள், காடுகளில் வேலை செய்வோர் புங்கன் இலைகளை வெற்றிலை  போல வாயில் போட்டு அடிக்கடி மெல்லுவதைப் பார்த்து நான் அவர்களிடம் விசாரிக்கையில் ' சூட்டைத் தணிக்கும், உடலைக் குளிர வைக்கும், இரவில் பிறப்புறுப்புகளில் ஏற்படும் சூட்டுவலி வராமல் தடுக்கும்' என்றனர்.வியந்தே போனேன்.
.
         புங்கன் மரக்காற்று குளிர்ச்சியானது.
புங்கன் மரத்தடி நிழலில் ஓய்வெடுத்தல் நல்லது.
புங்கன் மரத்தின் பயன்பாடுகள் பற்றிய விரிவான ஆய்வுகள் நடந்துவருகிறது.
அக்கால கிராமங்களில் ஒவ்வொரு வீட்டு வாசலிலும் வேம்பும், புங்கனும் கட்டாயம் இருக்கும்.
.
       புங்கன் நட்டுப் பயனடைவோம். இயற்கை மருந்துகளை நேசிப்போம். பாரம்பரியம் காப்போம். இயற்கையோடு பயணிப்போம்.